唔該報廢我既隻腳丫!

今日第一次上學車堂, 老實講我之前真係學得太HEA啦, 如果上次考牌官真係批左個牌比我既話, 我一定整花部車好多次 :S 不過用咁多藉口拖左咁耐, 其實都係因為唔想面對自己既過失. 咁既態度自己都覺得會令到自己好舌底. 真係要改改佢!

上完兩學車堂之後, 心血來潮想去同樂班FD一齊踏單車 :D 好彩佢地未開始! 第一次去馬鞍山單車公園果度租, 估唔到20蚊玩全日, 而且D單車真係勁靚勁新!成班人踏到去大埔果陣又教識左踏單車:D 果種睇住身邊人成長既快樂相信樂都感受到. 夜晚睇返部電話, 踏左起碼成21.42 km , 但只係用左一包薯片咁多既熱能 lol , 用左咁少係好事定壞事呢?

又, 坐火車返屋企果陣,見到有個外國人係月台上面囉住張港鐵地圖周圍係咁轉. 十成十佢係唔知要坐咩車架啦, 我都想走去幫佢, 但係每次咁諗果陣又覺得佢應該自己搞得掂既~最後佢唔知幾時消失左係人群之中...  決定左下次見到有人要幫手既話, 要係7秒內走去幫佢!