聖誕快樂:D

睇完1Q84, 心入面仲有好多謎. 到底little people 係D乜? 書入面寫佢地係超越善惡既存在, 咁即係咩意思? 每一個有靈魂既行動就應該分到善同惡, 換句話黎講, 個動作係對個目標好既就係善, 唔好既就係惡. 我開緊車睇唔到有人撞死左佢, 咁就係惡.我打劫銀行, 對銀行係惡, 對我就係好, 但係如果我做完之後比人拉既話, 或者做完對唔住自己良心既, 就係惡. 我比錢個乞丐, 對個乞丐黎講當然係善, 對我黎講, 金錢上係惡, 但係心靈上係善. 但係如果個乞丐係我唔知既情形下, 囉D錢去買白粉既話, 咁到底係善定惡呢? 無論係答案係點, 佢都係係善同惡既範圍入面, 點先叫做超越善惡呢? 物理定律定算唔算超越善惡呢? 地心吸力 好似定唔係善, 又唔係惡 但係其實高處墮下既人,地心吸力都有責任架啦. 地心吸力可能會講:"不嬲都有架啦, 係個人無啦啦撞埋黎之MA"~ 如果講果個係司機, 而唔係地心吸力, 咁有冇善惡? 因為無人會怪個地心吸力, 所以假設地心吸力係無善惡之分既, 咁即係話, 如果佢一直無原因無靈魂咁係度既話, 就可能係超越善惡 咁即係話, little people就好似物理定律咁, 無原因, 無靈魂咁存在. 但係書入面又寫 preceiver可以聽到little people講野, 咁又算唔算有無靈魂?真係諗到腦爆.1

------------------------------------------------------------------------------------------------------------

聽晚就係平安夜. 由細到大都好期待聖誕節, 其中一個原因係同我生日好近啦, 哈哈. 其實由細到大都覺得好奇怪, 一個唔信教既人, 點解會鐘意聖誕節呢? 唔好聽D講句, 耶穌生同死關我事咩. 不過聖誕節一直以黎比我既感覺都係好溫馨, 一方面又放假, 一方面大家又好開心咁一齊去做D野,  我諗E個都係我咁鐘意聖誕既原因. 有人話上帝係全善既, 如果係咁既話, 人一方面創造左神, 另一方面又消滅左神. 我追求公義, 追求和平, 追求完美, 但係現實卻話比我知個世界係唔會咁行.

聽住Straight No Chaser 既聖誕歌, 整緊比意中人既聖誕禮物, 多謝你, 聖誕老人, 我知道, ED野唔係必然既.

又, 宗教到底係唔係必須架呢? 唔係真確既野又會唔會係真善美? 最近我真係好懷疑, 其實係唔係唔洗理佢真唔真實, 只要善就追求呢?最近身邊既人的確好需要善. 老實講, 全心全意相信一樣野果陣, 個心係真係簡單左好多, 乜都唔洗諗, 只要信就得, 但係睇返歷史, 咁樣做同個人崇拜有乜分別? 同文革崇拜毛澤東有乜分別? 如果神真係係度既話, 佢到底係度玩緊乜? 唔比人知道細節而又叫人知, 咁同電訊公司呃師拉簽約有乜分別?