夢?

最近幾日病左, 一訓落床就訓著左, 尋晚仲發左個好奇怪既夢. 夢既開頭已經唔記得係點, 只係記得有個女仔,唔記得係咩樣, 但係好面善, 同我講: "你醒拿?". 我望一望佢, 再寧轉頭睇下, 見到有個同佢差唔多樣既女仔. 唔知點解我知道佢係孖生家姐, 再寧返轉頭, 佢同我講 : "終於可以見到你啦". 後尾發生咩事已經唔記得, 但係記得果部份真係好深刻..

09年計劃

1. 幫樂a level
2. 改裝個 mini laptop
3. 整html2rss既interface
4. 整online mp3 player with lyric support

當然啦, 最重要係幫樂考好個a level! (梗係唔係代佢考啦) 我要做既只係 sem break果陣要出多d chem mock比佢, (其實d mock都係抄池sir既notes, 不過我轉返佢做中文版), 希望樂比d心機做, 有咩唔識可以問我既, 我會盡力答架!!

第2樣要做既就係買返部mini laptop。 性能對我黎講無乜所謂, 上到網就得, 最重要既反而係續航力。一開始睇中aspire one, 性能ok, 但係續航力得3小時, 坐兩程車就用哂d電啦, 唔夠耐。 再搵左陣見到 eeepc 901,6cell電可以開成6個鍾機, 性能都唔差, 而且白色都ok型仔, 真係岩哂我心水。
我既plan係買完部laptop之後, 就cut左個keyboard同加個touch screen 。如果成功既話, 咁以後d online notes就可以用手指換頁,將d notes當書咁睇!

跟住就係個html2rss啦。 個程式本來係諗住 for d 無rss既 網頁既, 不過整下整下好似變左偷全文既工咁, ha, 我就係咁奸架啦。其實html2rss個底(腦?)已經整好左, 係差個display未整, 不過都已經有個idea, 希望可以用得上之前學左既gimp黎整d圖啦 。

最後就係個online mp3 player。我既idea其實就係網頁既千千靜聽。家下好似唔多見有網提供歌詞識換句既網wor, 同埋我點都覺得有個server side係度,想換client果陣都易d , 第時部laptop整好左之後就唔洗煩要點將d歌同步啦 。

ha, 4個target入面 , 無一樣野係關學業事架wor what can i say~ 睇黎我真係一d想囉hon既決心都無wor~


-------------------------------------------
11/12

提醒一下, 動態歌詞可以在百度下載

唉, 點做先好?

唉, 近黎真係好煩。

曾經講過唔想好似alevel咁溫, 但係唔經唔覺, 又好似返返去條舊路咁。 唔想好似之前咁去背特定既equcation囉。 okok, 就算係有d 式係明左個mechanism, 但係都係有好多係無講個原因, 到頭黎又係返返去死背。就好似alkene 加 OsO4 咁, 落NMO 到底係點解可以加到個O 去OsO3度呢? 唔知, 又好似搵唔到邊度先搵到答案咁。但係當花左時間去搵答案果陣, 人地又好似已經唔係睇緊e part, 唔經唔覺又lead behind左。

最大既問題係, 如果唔做question, 點先可以證明到你係已經識, 同埋已經對個topic係好熟呢? f5果陣就係以為自己已經熟個topic, 但係一到考試就死哂。 後尾果陣就用做pastpaper黎解決佢, 唔通上到大學都係要用做pastpaper黎ko佢? 無其他方法? 咁樣好似畫左條界比自己咁, 限制左自己要知邊d, 唔洗知邊d, 咁樣真係好?

唉, 睇黎33/50對我既打擊真係好大, 明明我覺得係識哂架wor, 點解會33/50 ? 我都睇過幾本書架wor, d機制我都幾熟架wor, 點解都係會得33分.... 雖然我成日話don't care much about the score, don't care much about the honor, 但係見到below mean, 個心點都唔好受。

我真係差過其他人?